Advertisement
बारामती : राष्ट्रवादी काँग्रेसचे अध्यक्ष आणि उपमुख्यमंत्री अजित पवार यांच्या घरी मंगलकार्य होणार आहे. धाकटे चिरंजीव जय पवार यांचे लग्न जुळले आहे. त्यांच्या आत्या आणि शरद पवार पक्षाच्या खासदार सुप्रिया सुळे यांनीच ही गोड बातमी गोटातून दिली आहे. ऋतुजा पाटील लवकरच पवार कुटुंबांच्या सूनबाई होणार आहेत. जय पवार आणि ऋतुजा पाटील यांचा विवाह होणार आहे. साखरपुड्यापूर्वी गुरूवारी रात्री दोघांनी चुलत आजोबा शरद पवार यांचे आशीर्वाद घेतले. पुण्यातील घरी जाऊन त्यांनी थोरल्या पवारांची भेट घेतली. या सर्व प्रसंगाचे फोटो सुप्रिया सुळे यांनी सोशल मीडियावर शेअर केले.
ऋतुजा पाटील कोण आहेत ?
जय पवार यांची पत्नी आणि पवार कुटुंबियांची भावी सून ऋतुजा पाटील या, सोशल मीडिया कंपनीचे व्यवस्थापक प्रविण पाटील यांच्या कन्या आहेत. त्या उच्च शिक्षित आहेत. जय पवार आणि ऋतुजा पाटील हे दोघेही गेल्या काही वर्षांपासून एकमेकांना ओळखतात. तर ऋतुजा पाटील यांची बहिणी या केसरी ट्रॅव्हल्सचे केसरी पाटील यांच्या सूनबाई आहेत.
10 एप्रिल रोजी साखरपुडा...
आता या शाही विवाहाची धामधूम सुरू झाली आहे. जय पवार हे अजितदादांचे धाकटे चिरंजीव आहेत. ऋतुजा पाटील या त्यांच्या हृदयावर राज्य करणार आहेत. जय पवार हे पक्ष फुटीनंतर अनेक राजकीय मंचावर दिसले असले तरी त्यांचा राजकारणापेक्षा उद्योग, व्यवसायाकडे ओढा अधिक आहे. यापूर्वी जय पवार हे दुबईत व्यवसाय सांभाळत होते. पण गेल्या काही वर्षांपासून ते बारामतीतून त्यांची व्यावसायिक सूत्र हाताळत आहेत.
