माजी मुख्यमंत्री मनोहर जोशी रुग्णालयात दाखल

Advertisement

मुंबई :  माजी मुख्यमंत्री आणि शिवसेना नेते मनोहर जोशी यांना ब्रेन हॅमरेजचा त्रास झाल्यामुळे हिंदुजा रुग्णालयात दाखल करण्यात आलं आहे. सध्या मनोहर जोशी यांच्या मेंदूला रक्त पुरवठा करणाऱ्या वाहिन्यांमध्ये अडथळा निर्माण झाल्यानं त्यांची प्रकृती चिंताजनक बनली आहे.  हिंदुजा हॅास्पिटलमधील डॅाक्टरांनी पुढील 24 तास मनोहर जोशी यांच्या तब्येतीसाठी महत्त्वाचे असल्याचं म्हटलं आहे. मनोहर जोशी यांना सोमवारी रात्री अस्वस्थ वाटू लागले. त्यानंतर त्यांना हिंदुजा रुग्णालयात दाखल करण्यात आलं. रम्यान त्यांच्या प्रकृतीची विचारपूस करण्यासाठी माजी मुख्यमंत्री उद्धव ठाकरे हे पत्नी रश्मी ठाकरे यांच्यासह रुग्णालयात पोहोचले आहेत.  मनोहर जोशी यांचं वय 86 वर्षे इतकं असून शिवसेनेकडून विधानपरिषदेवर निवडून येत त्यांनी राजकीय कारकिर्दीला सुरुवात केली. मुंबईचं महापौरपदही त्यांनी 1976 ते 1977 या काळात भूषवलं होतं. तर शिवसेना भाजप युतीच्या सरकारमध्ये ते मुख्यमंत्री बनले होते.