Advertisement
मुंबई : राष्ट्रवादीच्या नेत्या आणि राज्य महिला आयोगाच्या अध्यक्षा रुपाली चाकणकर (Rupali Chakankar) यांनीही एक कविता पोस्ट करुन सुप्रिया सुळेंवर निशाणा साधला आहे. बारामतीत दादा… दादा… दादा करत ज्यांचं आयुष्य गेलं. मग, अजित पवार यांच्याविरोधात अपात्रतेची याचिका दाखल करताना राजकीय विचार वेगळे असल्याचं सुचलं, असं म्हणत सुनील तटकरेंनी सुप्रिया सुळेंवर टीका केली होती. त्यानंतर रुपाली चाकणकर यांनीही सुप्रिया सुळेंवर कवितेच्या माध्यमातून टीका केली आहे. रुपाली चाकणकर यांनी सोशल मीडियावर ही कविता पोस्ट केली आहे.
काय म्हणाल्या होत्या सुप्रिया सुळे?
अजित गटाच्या नेत्यांनी आमचे खासदार श्रीनिवास पाटील, मोहम्मद फैजल, फौजिया खान आणि वंदना चव्हाण यांना अपात्र करण्याची मागणी का केली हे समजत नाही. आमचे हे खासदार चांगले काम करत आहेत. पाटील यांचे वय 83 वर्षे आहे. ते साताऱ्याचे खासदार आहेत. ते त्यांच्या कामात अतिशय कुशल आहेत. तो कोणते चांगले काम करतात हे केवळ साताराच नाही तर संपूर्ण राज्याला माहीत आहे. त्यांच्यावर कारवाईची मागणी ही नवीन गोष्ट मला दिसत आहे. त्यांच्यावर कारवाईची मागणी होत असल्याने त्यांनी काय केले हे मला समजू शकले नाही. त्यांना बळी का बनवले गेले हे देखील मला माहित नाही, असे सुप्रिया सुळे यांनी म्हटलं होतं
