Advertisement
भाजपत गेलेल्यांना पुन्हा पक्षात घेण्यास विरोध
सोलापूर : सोलापूर मध्ये राष्ट्रवादी अजित पवार पक्षाचे दोन माजी नगरसेवक भाजपमध्ये दाखल झाले होते. राष्ट्रवादीचे प्रदेश कार्याध्यक्ष, माजी मनपा गटनेते किसन जाधव आणि माजी नगरसेवक नागेश गायकवाड यांचा भाजपत प्रवेश केला होता. मात्र आता हे दोघेही राष्ट्रवादीत घरवापसी करण्यासाठी इच्छुक आहेत. मात्र, याला इतर नेत्यांनी विरोध केला आहे, गेलेल्या पक्षात परत घेण्यास इतर नेत्यांचा विरोध आहे. |
राष्ट्रवादी अजित पवार पक्षाचे दोन माजी नगरसेवक किसन जाधव आणि नागेश गायकवाड यांनी शहराध्यक्ष आणि कार्याध्यक्षांच्या मनमानी कारभाराला कंटाळून भाजपत प्रवेश केला होता. पालकमंत्री जयकुमार गोरे यांच्या उपस्थितीत हा पक्ष प्रवेश सोहळा पार पडला होता. मात्र आता हे दोन माजी नगरसेवक पुन्हा घरवापसीच्या तयारीत आहेत. मात्र, या घरवापसीला राष्ट्रवादीचे सोलापूरचे शहराध्यक्ष संतोष पवार आणि कार्याध्यक्ष जुबेर बागवान यांनी तीव्र विरोध केला आहे. या दोघांना पक्षात घेतल्यास आम्ही पदाचा राजीनामा देणार असल्याचे पवार आणि बागवान या नेत्यांनी म्हटले आहे. मात्र, कृषी मंत्री दत्तात्रय भरणे यांच्याकडून या दोघांच्या मनधरणीचे प्रयत्न सुरू आहेत. त्यामुळे किसन जाधव आणि नागेश गायकवाड यांनी पुन्हा राष्ट्रवादीत प्रवेश मिळण्याची शक्यता नाकारता येत नाही.
