Advertisement
भाजप 11 पैकी 11, शिवसेना 4 पैकी 3, राष्ट्रवादीने 2 पैकी 2 जागा जिंकल्या
मुंबई : स्थानिक स्वराज्य संस्थेच्या विधान परिषद निवडणुकीत (Vidhan Parishad Election Result 2026) महायुतीचा बोलबाला राहिला. तर महाविकास आघाडीची पिछेहाट पाहायला मिळाली. राज्यातील 17 पैकी 16 जागांवर महायुतीचे उमेदवार विजयी झाले आहेत. तर एका जागेवर अपक्ष आणि भाजप बंडखोराचा विजय झाला. भाजप, 11, शिवसेना 3, राष्ट्रवादी काँग्रेस 2 आणि अपक्ष 1 असा विधान परिषदेचा निकाल लागला आहे. विधान परिषदेच्या 17 जागांसाठी 18 जून रोजी निवडणूक पार पडली होती. मात्र या निवडणुकीआधीच 17 पैकी 6 ठिकाणी महायुतीचे उमेदवार बिनविरोध विजयी झाले होते. त्यामुळे आज उरलेल्या 11 जागांचा निकाल समोर आला.
17 जागांसाठी भाजप 11, शिवसेना 4 आणि राष्ट्रवादी 2 असा महायुतीचा फॉर्म्युला ठरला होता. त्यानूसार भाजपने 11, शिवसेनेने 4 आमि राष्ट्रवादी काँग्रेसने 2 जागांवर निवडणूक लढवली. यापैकी भाजपने 11 पैकी 11 जागा जिंकल्या. राष्ट्रवादी काँग्रेसने 2 पैकी 2 जागा जिंकल्या. तर शिवसेनेने 4 पैकी 3 जागा जिंकल्या. नाशिकची जागा महायुतीमधील शिवसेनेला सुटली होती. परंतु गोकुळ गीते यांनी बंडखोरी केली आणि त्याचाच फटका शिवसेनेला बसला. नाशिकमधील शिवसेनेचे अधिकृत उमेदवार नरेंद्र दराडे यांचा अपक्ष आणि भाजपचे बंडखोर उमेदवार गोकुळ गीते यांनी पराभव केला.
| महाराष्ट्र विधान परिषद - 17 जागांचा निकाल (Vidhan Parishad Election Result 2026) | ||||
| अ.क्र. | मतदारसंघ (जिल्हा) | विजयी उमेदवार | पक्ष | निकाल |
| 1 | ठाणे | रवींद्र फाटक | शिवसेना | बिनविरोध विजयी |
| 2 | यवतमाळ | दुष्यंत चतुर्वेदी | शिवसेना | बिनविरोध विजयी |
| 3 | रायगड - रत्नागिरी - सिंधुदुर्ग | अनिकेत तटकरे | राष्ट्रवादी काँग्रेस | बिनविरोध विजयी |
| 4 | पुणे | विक्रम काकडे | राष्ट्रवादी काँग्रेस | बिनविरोध विजयी |
| 5 | वर्धा - गडचिरोली - चंद्रपूर | अरुण लखाणी | भाजप | बिनविरोध विजयी |
| 6 | अहिल्यानगर | प्राजक्त तनपुरे | भाजप | बिनविरोध विजयी |
| 7 | छत्रपती संभाजीनगर - जालना | सुहास शिरसाट | भाजप | विजयी |
| 8 | नाशिक | गोकुळ गिते | अपक्ष (भाजप बंडखोर) | विजयी |
| 9 | भंडारा - गोंदिया | अविनाश ब्राह्मणकर | भाजप | विजयी |
| 10 | सांगली - सातारा | धैर्यशील कदम | भाजप | विजयी |
| 11 | परभणी - हिंगोली | सईद खान | शिवसेना | विजयी |
| 12 | सोलापूर | राजेंद्र राऊत | भाजप | विजयी |
| 13 | धाराशिव - लातूर - बीड | बसवराज पाटील | भाजप | विजयी |
| 14 | नागपूर | राजीव पोतदार | भाजप | विजयी |
| 15 | जळगाव | नंदकिशोर महाजन | भाजप | विजयी |
| 16 | अमरावती | प्रवीण पोटे | भाजप | विजयी |
| 17 | नांदेड | अमर राजूरकर | भाजप | विजयी |
