Advertisement
माजी मंत्री लक्ष्मणराव ढोबळे, यांच्या हस्ते सचिन नागणे, संग्रामसिंह माने यांचा सन्मान
मंगळवेढा : राष्ट्रवादी काँग्रेस पार्टी शरदचंद्र पवार पक्षाच्या मंगळवेढा तालुक्यातील संघटनात्मक वाटचालीला बळ देण्याच्या दृष्टीने नूतन पदाधिकाऱ्यांचा सत्कार करण्यात आला. मंगळवेढा येथील सावली निवासस्थानी माजी मंत्री प्रा. लक्ष्मणराव ढोबळे, पक्षाच्या महिला उपप्रदेशाध्यक्षा ॲड. कोमलताई साळुंखे-ढोबळे यांच्या हस्ते पक्षाचे नूतन मंगळवेढा तालुकाध्यक्ष सचिन नागणे आणि युवक तालुकाध्यक्ष संग्रामसिंह माने यांचा सत्कार करून त्यांना पुढील वाटचालीसाठी शुभेच्छा देण्यात आल्या.
या वेळी पक्षाचे तालुकाध्यक्ष सिद्धेश्वर रणे, लिगाडे गुरुजी यांच्यासह अन्य मान्यवर उपस्थित होते. नूतन पदाधिकाऱ्यांच्या नियुक्तीमुळे तालुक्यात पक्ष संघटनेचे काम अधिक प्रभावीपणे पुढे नेण्याची संधी निर्माण झाली असून, ग्रामीण भागातील नागरिक, युवक आणि सर्वसामान्यांच्या प्रश्नांना संघटनेच्या माध्यमातून वाचा फोडण्याची जबाबदारी नव्या नेतृत्वावर राहणार आहे.
माजी मंत्री प्रा. लक्ष्मणरावजी ढोबळे हे ज्येष्ठ राजकीय नेतृत्व म्हणून परिचित असून, त्यांच्या हस्ते झालेल्या या सत्काराला संघटनात्मक महत्त्व प्राप्त झाले आहे. राष्ट्रवादी काँग्रेस पार्टी शरदचंद्र पवार पक्षाच्या विचारधारेनुसार जनसामान्यांशी संपर्क वाढविणे, स्थानिक प्रश्नांचा पाठपुरावा करणे आणि युवकांना पक्षाच्या कामात सहभागी करून घेणे, अशा पातळ्यांवर नव्या पदाधिकाऱ्यांकडून कामाची अपेक्षा व्यक्त होत आहे.
या सत्कार सोहळ्याच्या निमित्ताने मंगळवेढा तालुक्यात पक्ष संघटना मजबूत करण्यासाठी नूतन पदाधिकाऱ्यांनी एकजुटीने काम करावे, तसेच जनतेच्या प्रश्नांना प्राधान्य द्यावे, अशी अपेक्षा व्यक्त करण्यात आली.
