Advertisement
मुंबई : भाजपचे नेते आणि केंद्रीय गृहमंत्री अमित शहा यांनी मुंबई महापालिका निवडणुकीच्या रणशिंग फुंकले आहे. मुंबई पालिकेवर भाजपचा झेंडा फडकवण्यासाठी सर्व नेत्यांना आदेश दिले असून 150 जागांचे टार्गेट दिले आहे.
अमित शहा मुंबईच्या दौऱ्यावर आहे. भाजपचे नेते आणि राज्याचे उपमुख्यमंत्री देवेंद्र फडणवीस यांच्या शासकीय निवासस्थानी गृहमंत्री अमित शहा यांच्या उपस्थितीत बैठक पार पडली. ही बैठक मुंबई महानगर पालिका संदर्भात होती. या बैठकीत उपमुख्यमंत्री देवेंद्र फडणवीस, मुंबई भाजपा अध्यक्ष आशिष शेलार, मंत्री मंगलप्रभात लोढा यांचा सहभाग होता. यावेळी अमित शहा यांनी भाजपच्या नेत्यांना मार्गदर्शन केलं. मुंबईच्या राजकारणामध्ये भाजपचंच वर्चस्व राहिलं पाहिजे, शिवसेना त्यांच्या राजकारणामुळे छोटी झाली असून त्यांची वाईट अवस्था झाली आहे, अशी टीकाही अमित शहांनी केली.
मुंबई पालिकेवर भाजपचा झेंडा फडकवण्याचा आमचं उद्देश असणार आहे. यंदाच्या निवडणुकीत 15 जागांचे टार्गेट असणार आहे, अशी माहिती प्रवीण दरेकर यांनी दिली.
