उपमुख्यमंत्री देवेंद्र फडणवीस अडचणीत ? नागपूर स्टॅम्प घोटाळा प्रकरण

Advertisement

मुंबई : नागपूर येथील स्टॅम्प घोटाळा प्रकरणात चौकशी करण्याची मागणी करण्यात आली आहे. त्यामुळे उपमुख्यमंत्री देवेंद्र फडणवीस अडचणीत येण्याची शक्यता निर्माण झाली आहे. जमीन मनी लाँड्रिंग प्रकरणात आरोपी सतीश उके यांचे वकील रवी जाधव यांनी मुंबई सत्र न्यायालयात अर्ज केला होता. हा अर्ज न्यायाधीश एमजी देशपांडे यांनी स्वीकारला आहे. सतीश उके काँग्रेस प्रदेशाध्यक्ष नाना पटोले यांचे वकील आहेत. जमीन घोटाळा प्रकरणात सतीश उके यांना ईडीने अटक केली असून ते सध्या न्यायालयीन कोठडीत आहे. 
नागपुरातील वकील सतीश उके आणि त्यांच्या भावाने बनावट जमिनीची कागदपत्रे बनवून शहरातील जमीन हडप केल्याचा आरोप अंमलबजावणी संचालनालयाने केला आहे. ईडीने 31 मार्च 2022 रोजी दोन्ही आरोपींना मनी लाँड्रिंग विरोधी कायद्यांतर्गत अटक केली होती.
भाजपचे ज्येष्ठ नेते आणि उपमुख्यमंत्री देवेंद्र फडणवीस यांच्या विरोधात अनेक वर्षांपासून याचिका दाखल करण्यासाठी हे वकील ओळखले जातात. 31 मार्च 2022 रोजी नागपूरच्या पार्वतीनगर भागातील वकिलाच्या निवासस्थानावर ईडीने छापा टाकल्यानंतर लगेचच त्यांना अटक करण्यात आली. ईडीने सांगितले की, भावांविरुद्ध मनी लाँड्रिंगचा खटला नागपूर पोलिसांकडे (अजनी पोलिस स्टेशन) दाखल केलेल्या दोन एफआयआरशी संबंधित आहे.