Advertisement
नागपूर : नागपूरमध्ये भाजपला मोठा धक्का बसला आहे. नुकत्याच हाती आलेल्या नागपूर शिक्षक मतदारसंघाच्या निवडणूक निकालात महाविकास आघाडीचे उमेदवार सुधाकर आडबाले हे विजयी झाले आहेत. त्यांनी भाजपच्या नागो गाणार यांचा पराभव केला. हा भाजपसाठी मोठा धक्का माणण्यात येत आहे.
पहिल्या फेरीमध्ये महाविकास आघाडीचे उमेदवार सुधाकर आडबाले यांना एकूण 14069 मतं पडली आहेत. तर भाजपचे नागो गाणार यांना 6366 मत पडली असून ते दुसऱ्या क्रमांकावर आहेत. तर राजेंद्र झाडे यांना 2742 मत पडली आहेत. नागपुरात सुधाकर आडबाले, नागो गाणार आणि राजेंद्र झाडे यांच्यामध्ये लढत होती. यामध्ये महाविकास आघाडीचे उमेदवार सुधाकर आडबाले हे विजयी झाले आहेत.
दरम्यान दुसरीकडे औरंगाबाद शिक्षक मतदारसंघात देखील महाविकास आघाडीचे उमेदवार विक्रम काळे हे आघाडीवर आहेत. त्यांनी विजयाकडे वाटचाल केल्याचं चित्र आहे. त्यामुळे नागपूर पाठोपाठ औरंगाबादमध्ये देखील भाजपला धक्का बसण्याची शक्यता आहे.
