कोरोना...! पुन्हा येतोय, महाराष्ट्रातील आकडेवारी चिंता वाढवणारी

Advertisement

मुंबई : महाराष्ट्र आरोग्य विभागाच्या अधिकाऱ्याने दिलेल्या माहितीनुसार, रविवारी राज्यात कोरोना विषाणुचे 236 नवीन रुग्णांची नोंद झाली. तर राज्यातील संसर्गाच्या रुग्णांची संख्या 81,39,737 झाली आहे. यादरम्यान एकाही रुग्णाचा मृत्यू झाल्याचे प्रकरण समोर आले नाही. तसेच गेल्या 24 तासांत किमान 3834 स्वॅब नमुने तपासण्यात आले आहेत. यानंतर राज्यात आतापर्यंत घेण्यात आलेल्या चाचण्यांची एकूण संख्या 8,65,46,719 झाली आहे. दरम्यान महाराष्ट्रात आतापर्यंत 8,65,46,719 नमुने तपासण्यात आले आहेत. एकूण 81,39,737 संक्रमित आढळले आहेत, त्यापैकी 79,90,001 बरे होऊन परतले आहेत. त्याच वेळी, आतापर्यंत 1,48,428 लोकांचा कोरोनामुळे मृत्यू झाला आहे. तर दुसरीकडे भारतात कोविड-19 च्या प्रकरणांमध्ये सातत्याने वाढ होत आहे. रविवारी केंद्रीय आरोग्य मंत्रालयाने अद्ययावत केलेल्या आकडेवारीनुसार भारतात 129 दिवसांनंतर एका दिवसात 1,000 हून अधिक नवीन COVID-19 प्रकरणे नोंदवली गेली. यासह, देशात कोरोनाचे सक्रिय रुग्ण 5,915 झाले आहेत. 24 तासांत एकूण 1,071 नवीन रुग्णांची नोंद झाली असून, तीन जणांचा मृत्यू झाल्याने कोरोनामुळे मृत्यूमुखी पडलेल्यांची संख्या 5,30,802 झाली आहे. मृत्यू झालेल्यांमध्ये राजस्थान आणि महाराष्ट्रातील प्रत्येकी एक आणि केरळमधील एक रुग्ण आहे.