Advertisement
मुंबई : भाजपा पक्ष तसंच देवेंद्र फडणवीस यांच्यावर गंभीर आरोप करत एकनाथ खडसे यांनी भाजपाला सोडचिठ्ठी दिली होती. त्यामुळे ते खरंच भाजपात प्रवेश करतील का याबाबत साशंकता व्यक्त होत आहे. दरम्यान आता एकनाथ खडसे यांनी स्वत: आपण भाजपात प्रवेश करणार असल्याचं सांगत चर्चांना पूर्णविराम दिला आहे. पुढील 15 दिवसांत पक्षप्रवेश करणार असल्याची माहिती त्यांनी प्रसारमाध्यमांशी संवाद साधताना दिली आहे.
मला दिल्लीतून वरिष्ठ नेत्यांचं बोलावणं आल्यानंतर पक्षप्रवेश होईल. मी भाजपात येण्यासाठी कोणतेही प्रयत्न करत नव्हते. पण भाजपातील जुने कार्यकर्ते, नेते त्यांच्याशी चर्चा करताना तुम्ही पक्षात असायला हवं होतं अशी भावना दिसत होती. तुम्ही आले तर बरं होईल अशी चर्चा वरिष्ठ पातळीवरील नेत्यांमध्ये होती. ही चर्चा आता नव्हे तर 4 ते 6 महिन्यांपासून होती. अशी इच्छा त्यांनी व्यक्त केली होती. मी राजकीय परिस्थिती पाहिल्याशिवाय निर्णय घेऊ शकत नाही अशी विनंती त्यांना केली होती. पण आता मी त्यासंबंधी निर्णय घेतला आहे," असं एकनाथ खडसे म्हणाले आहेत
