नितेश राणे आणि रोहित पवार यांच्यात खडाजंगी

Advertisement

मुंबई : राज्यपालांच्या अभिभाषणावर बोलताना दोन्ही आमदारांमध्ये विधानसभेत खडाजंगी झाल्याचं दिसून आलं. राहुल सोलापूरकर आणि प्रशांत कोरटकर यांनी छत्रपती शिवाजी महाराजांचा अपमान केल्याच्या मुद्द्यावरुन रोहित पवार बोलत होते. रोहित पवार यांनी सोलापूरकर आणि कोराटकर यांच्यावर कारवाई का केली जात नाही असा सवाल उपस्थित केला. यावरुन हे ऐकून नितेश राणेंनी थेट रोहित पवारांचे आजोबा म्हणजेच शरद पवारांचा संदर्भ देत प्रतिसवाल केला आणि यावरुनच दोघांमध्ये शाब्दिक वाद झाला.
महाविकास आघाडीचे वरिष्ठ नेते महाराजांचा कसा अपमान करतात याचा उल्लेख नितेश राणेंनी केला. "जाणता राजा म्हणू नका असं कोण म्हणत होत आपल्या आजोबांना विचारा, "आपल्या आजोबांना जाऊन शिकवा. आम्हाला शिकवू नका. आमच्या देवा भाऊच सरकार महाराजांचा अपमान करणाऱ्याला सोडणार नाही. जाणता राजा म्हणू नका हे हे कोण म्हणत होते पाहा," असं नितेश राणे रोहित पवारांकडे पाहून म्हणाले.  यावर रोहित पवारांनी पुन्हा एकदा, "राहुल सोलापूरकर आणि कोराटकरला जेलमध्ये टाकलं पाहिजे. कोरटकर आणि सोलापूरकरवर राज्य सरकार का कारवाई करत नाही?" असा सवाल केला. त्यावर नितेश राणेंनी चौकशी सुरु असल्याचा संदर्भ देत रोहित पवारांना टोला लगावला.