सोलापूर जिल्हा प्रमुख राजीनामा देणार?

Advertisement

सोलापूर : शिवसेना शिंदे गटाचे सोलापूर जिल्हा प्रमुख म्हणून शिवाजी सावंत हे काम पाहात होते. त्यांच्याकडे जिल्ह्याची धुरा देण्यात आली होती. शिवाजी सावंत हे माजी आरोग्य मंत्री तानाजी सावंत यांचे बंधु आहेत. शिवाजी सावंत हे गेल्या काही दिवसापासून पक्षावर नाराज आहे. जिल्ह्याचे संपर्कप्रमुख हे आपल्याला विश्वासात घेत नाहीत असा त्यांचा आरोप आहे. शिवाय जिल्ह्यातील नियुक्त्या करताना त्याची आपल्या कल्पनाही दिली जात नाही असं ही त्यांचं म्हणणं होतं. नेमणुका करताना जिल्हा प्रमुख म्हणून आपल्याला विश्वासात घेणं गरजेचं होतं असं त्याचं म्हणणं होतं. त्यामुळे या सर्व गोष्टींना कंटाळून शिवाजी सावंत यांनी जिल्हाध्यक्षपदाचा राजीनामा देण्याचा निर्णय घेतला आहे.
तानाजी सावंत आणि शिवाजी सावंत यांना मानणारा मोठा वर्ग सोलापूर जिल्ह्यात आहे. त्यांच्या नाराजीचा फटका थेट शिवसेना शिंदे गटाला सोलापूर जिल्ह्यात बसण्याची दाट शक्यता आहे. त्यात काही दिवसापूर्वी शिवाजी सावंत यांच्या कार्यक्रमाला ऐनवेळी एकनाथ शिंदे यांनी दांडी मारली होती. त्यावेळपासून सावंत नाराज असल्याची चर्चा आहे. त्याच बरोबर तानाजी सावंत यांनाही मंत्रीमंडळात स्थान देण्यात आलं नव्हतं. त्यामुळे तेही पक्षापासून दुरावले गेले आहेत. या सर्वाचा परिणाम सोलापूर जिल्ह्याच्या राजकारणावर होण्याची शक्यता आहे.